ევროსაბჭოს საპარლამენტო ასამბლეის სადამკვირებლო მისია საარჩევნო სუბიექტებს მოუწოდებს არჩევნების შედეგები ეჭვქვეშ არ დააყენონ.

როგორც პარლამენტში გამართულ ბრიფინგზე, დელეგაციის ხელმძღვანელმა ლუკა ვოლონტემ განაცხადა, საარჩევნო პერიოდში, საზოგადოების ნდობა პროცესისადმი უმნიშვნელოვანესია.

მისი თქმით, ,ყველა პარტიამ და ისეთი ქმედებისგან თავი უნდა შეიკავოს, რომელიც  საზოგადოებაში ნდობის ფაქტორს შეასუსტებს. ასევე, ვთხოვთ ყველა საარჩევნო სუბიექტს, ნუ დასვამენ კითხვის ნიშნის ქვეშ არჩევნების შედეგებს, ისე, რომ ჯერ არჩევნები არ ჩატარებულა“, – განაცხადა ლუკა ვოლონტემ.

ამასთან, ჟურნალისტების კითხვებზე პასუხის გაცემისგან დელეგაციის წევრებმა უარი განაცხადეს, რის გამოც დელეგაციის ხელმძღვანელმა ბოდიში მოიხადა.

„ამჯერად მისია მოხოლოდ ოფიციალური განცხადებით შემოიფარგლება, რადგან შესაძლოა რომელიმე პოლიტიკურმა სუბიექტმა, დელეგაციის განცხადებები, საკუთარი პოლიტიკური არგუმენტების გასამყარებლად გამოიყენოს“, – დასძინა მან.

 internet.ge