უკრაინელმა ინტერნეტმომხმარებლებმა ქვეყნის აშშ-ში შესვლის მოთხოვნით ხელმოწერების შეგროვება დაიწყეს.

როგორც სააგენტო „ნოვი რეგიონ“ წერს, მათ Facebook-ში შექმნეს გვერდი სახელწოდებით „რეფერენდუმი უკრაინის აშშ-ში შესვლასთან დაკავშირებით“ და 3 მილიონი ხელმოწერის შეგროვების იმედი აქვთ.

თუკი ეს რაოდენობა მოგროვდება, აშშ-ის კონგრესში წარსადგენი თხოვნაც დაიწერება.

ორგანიზატორთა აზრით, მათ ინიციატივას მხარს დაუჭერს Facebook-ის მომხმარებელთა 90%, რადგან „ყველას მობეზრდა სიღატაკეში ცხოვრება, ოპოზიციის იმედი კი არავის აქვს“ - იუწყება Newsru.

მათი თქმით, აშშ-ის კონსტიტუცია შესაძლებელს ხდის  ქვეყნის შემადგენლობაში ახალი შტატის შესვლას, თუკი ამ გადაწყვეტილებას კონგრესი დაუჭერს მხარს.

Internet.ge