პოლიტიკური პარტიების წარმომადგენლებმა განათლების სფეროში დაგეგმილ რეფორმებზე ისაუბრეს
პოლიტიკური
პარტიების
წარმომადგენლებმა
განათლების
რეფორმასთან
დაკავშირებით
საკუთარი ხედვა წარმოადგინეს.
“ნაციონალური
მოძრაობის”
საარჩევნო
სიის პირველი ნომრის დავით ბაქრაძის განცხადებით, აუცილებელია განათლების სფეროში პირობების გაუმჯობესება მოხდეს, ბევრი სკოლა გაკეთდეს და მოხდეს მასწავლებლებისთვის ხელფასების ზრდა.
ბაქრაძის
თქმით, მომავალში საქართველოს მასშტაბით ყველა სკოლა გარემონტდება, მასწავლებელთა საშუალო ხელფასი კი, 600 ლარზე მეტი იქნება. მისივე განცხადებით, განათლებამ დასაქმების საფუძველი უნდა შექმნას, რისთვისაც პროფესიული სასწავლებლები გაიხსნა.
“ლეიბორისტული
პარტიის” საარჩევნო სიის პირველი ნომრის შალვა ნათელაშვილის განცხადებით კი, ამჟამად ქვეყანაში 1000 სკოლა, რომელიც ადრე ფუნქციონირებდა,
დახურული და გაყიდულია.
“დამისახელეთ
რომელიმე ხელისუფლების წარმომადგენელი,
რომლის შვილიც საჯარო სკოლაში სწავლობს. ყველა მათგანის შვილები ფასიან სასწავლებლებში ან უცხოეთში იღებენ განათლებას, ჩვენ კი მოგვიწოდებენ, რომ მათ რეფორმების ვიწამოთ. რაც შეეხება ივანიშვილს, მან სააკაშვილის თვითმფრინავს 2 მილიონად ღირებული რაკეტების საწინააღმდეგო სისტემა დაუყენა, ამის შემდეგ რაზე უნდა ვისაუბროთ”,- განაცხადა ნათელაშვილმა.
რაც
შეეხება “ქართული ოცნების” საარჩევნო სიის პირველ ნომერს კახი კალაძეს, მისი განცხადებით, მასწავლებლების პროფესია დაფასებული უნდა იყოს და მასწავლებლები ხელისუფლების ზეწოლისგან უნდა გათავისუფლდნენ.
მისივე
თქმით, კოალიციას პროგრამაში გაწერილი აქვს, რომ ყველა რაიონში, ქალაქსა და სოფელში მაღალი ევროპული სტანდრატების სკოლები და ბაგა-ბაღები უნდა ფუნქციონირებდეს,
რომელიც იქნება უფასო. “ასევე სახელმწიფო უმაღლეს სასწავლებლებში განახევრდება სწავლის საფასური და სწავლა ყველასთვის ხელმისაწვდოიმი იქნება”,- დასძინა კალაძემ.
“ქრიტიან-დემოკრატების” საარჩევნო სიის პირველი ნომრის გიორგი თარგამაძის განცხადებით კი, ბაღებში გადასახადები არის დაწესებული, თუმცა ეს მასწავლებლების ხელფასებზე არ აისახება.
“სად
არის დაპირებული უფასო სასკოლო მანქანები და ავტობუსები? სიტუაცია იმ დონემდეა მისული, რომ ზოგიერთ ბავშვს წერა-კითხვის პრობლემა აქვს. ჩვენ ხელსუფლებაში მოსვლის შემდეგ განათლების ხარჯების ზრდას ვაპირებთ”,- განაცხადა თარგამაძემ.
Internet.ge
