საქართველოს პრეზიდენტმა, პრემიერ-მინისტრს ვანო მერაბიშვილთან, მთავარ პროკურორ მურთაზ ზოდელავასა და იუსტიციის მინისტრს ზურაბ ადეიშვილთან შეხვედრაზე განაცხადა, რომ სისტემური მარცხი მოხდა და ბევრი რგოლი ჩავარდა.

„აქამდე სად იყო პროკურატურა, ამდენი თვე უმოტივოდ სრული მანიაკები ასე დაუსჯელად მოქმედებდნენ. გამოძიება რამდენიმე კვირის წინ დავიწყეთ და ეს ნიშნავს, რომ ბევრი რგოლი ჩავარდა. სისტემური მარცხი მოხდა. კანონიერი ქურდები ვეღარ მართავენ სიტუაციას ციხეებში, მაგრამ სამაგიეროდ რა ხდება?!“ - განაცხადა სააკაშვილმა.

პრეზიდენტის თქმით, კალამახელიძე ბევრ რამეს ცვლიდა, მაგრამ აღნოჩნდა, რომ ცენტრში ასეთი საშინელი რამ ხდებოდა.

„ბევრად უფრო მასშტაბური უნდა იყოს პასუხი ამ ფაქტზე, ვიდრე დაჭერებია. ამ სისტემას მთლიანად უნდა გადავხედოთ. პენიტენციური დეპარტენტი არის მთლიანად ახლიდან ჩამოსაყალიბებელი და გადასახალისებელი“,- განაცხადა სააკაშვილმა.

internet.ge