„ერთიანი ნაციონალური მოძრაობის“  სიის პირველმა ნომერმა პატიმართა წამებისა და არაადამიანური მოპყრობის ფაქტები კახეთში, ამომრჩეველთან შეხვედრაზე კიდევ ერთხელ დაგმო და აღნიშნა, რომ ბოლო ოთხი დღეა მოსახლეობა ამაზრზენ ფაქტებს ადევნებს თვალს.

მისი თქმით, მიუხედავად საზარელი ფაქტებისა ქვეყანამ წინსვლა უნდა გააგრძელოს.

„ასეთი საშინელება წარსულს ერთხელ და სამუდამოდ უნდა ჩაბარდეს. ისევე, როგორც უკან დარჩა საშინელება, რომელიც ხდებოდა პოლიციაში ოჯახებსა და ჯარში. ჩვენ ამ უწყებებში შევძელით ძალადობის აღმოფხვრა, ახლა ჩვენი ამოცანაა, აღარ დაგვრჩეს არცერთი კონკრეტული ადგილი, სადაც ასეთი საშინელება განმეორდება“,- განაცხადა ბაქრაძემ.

internet.ge