კოალიცია „ქართული ოცნების“ ლიდერმა ზუგდიდიდან ქართველ პოლიციელებს მიმართა და აღნიშნა, რომ „სიმართლის მხარეს დადგნენ“.

როგორც ბიძინა ივანიშვილმა ზუგდიდის აქციაზე აღნიშნა, ყველა პოლიციელმა სამსახური უნდა დატოვოს.

„მინდა ზუგდიდიდან მივმართო იმ ზონდერ ბრიგადებს, რომელიც სააკაშვილის მითითებებს ასრულებენ, გადმოდით სიმართლის მხარეს, დაუჯერეთ საკუთარ სინდისს“,- აღნიშნა ივანიშვილმა.

კოალიცია „ქართული ოცნების“ ლიდერი აფხაზეთის დაბრუნების საკითხსაც შეეხო და აღნიშნა, რომ მას აფხაზეთის დაბრუნების გეგმა აქვს.

„გალი გახდება მშვიდობის რეგიონი, აქედან დაიწყება აფხაზებთან ნდობის აღდგენა, სახალხო დიპლომატია დაიწყება გალიდან. ამ საქმეში კი თაოსნობა მეგრელებმა უნდა ითავოთ, წინ უნდა გაგვიძღვეთ“,  – დასძინა ბიძინა ივანიშვილმა.

Internet.ge