საპარლამენტო უმრავლესობის წევრის, დეპუტატ ნუგზარ წიკლაურის შეფასებით, „ქართულ ოცნებას“ - პოლიტიკური მიმართულების პრობლემა აქვს და არა გეოგრაფიულის.

როგორც "ინტერნეტ.ჯი"-ს წიკლაურმა განუცხადა, „ქართულ ოცნებას“ თუ უნდა თბილისზე იქნება კონცენტრირებული და თუ სურს, რეგიონებზე, მაგრამ   „შესაკრებთა გადანაცვლებით - ჯამი არ იცვლება“.

მისი თქმით, კოალიციის წევრები სადაც უნდა წავიდნენ, მათი აქტივობის განმსაზღვრელი იქნება - „ის, რომ რუსეთი უფრო დემოკრატიულია, ვიდრე საქართველო“.

„მათი მთავარი პრობლემაა - პოლიტიკური მიმართულებების არ არსებობა და არა გეოგრაფიული პრობლემები. სადაც უნდათ იქ იარონ“, - დასძინა მან.

შეგახსენებთ, რომ „ქართული ოცნების“ წევრი, ირაკლი ალასანია წინა საარჩევნო პერიოდში, სამეგრელოში საქმიანობას აპირებს.

Internet.ge