საქართველოს პრეზიდენტი, მიხეილ სააკაშვილი, ზუგდიდში, სოფელ რუხის ცენტრში შეკრებილ მოსახლეობას შეხვდა და მოუწოდა მხარი დაუჭირონ ზუგდიდის მაჟორიტარი დეპუტატობის კანდიდატ როლანდ ახალაიას.

„მე მას ვიცნობ, არა როგორც ახლადგაცნობილ ადამიანს, არა როგორც უბრალოდ ადამიანს, რომელიც წლების განმავლობაში თანამდებობებზე მუშაობდა, ჩემს ბავშვობაში ის იყო ბაბუაჩემის ასპირანტი, იურისტი და ძალიან კარგად მახსოვს, როგორი მგძნობიარე იყო ყველანაირი უსამართლობის მიმართ და ხმალამოღებული იბრძოდა უმსგავსობის წინააღმდეგ იმ დროში, როცა ეს იყო ცხოვრების ნორმა“, - განაცხადა პრეზიდენტმა.

მიხეილ სააკაშვილის თქმით, 1-ელ ოქტომბერს არჩევნებზე მოსახლეობამ აქტიურობა უნდა გამოიჩინოს.

„ჩვენი მტერი უამრავ პროვოკაციას მიმართავს, მაგრამ მე ვარ აბსოლუტურად დარწმუნებული, თუ ჩვენ ყველანი ერთად დავდგებით და ყველანი ისტორიული მომენტის მნიშვნელობას გავიზიარებთ, აუცილებლად ავიხდენთ სურვილებსა და ყველა მიზანს“ - დასძინა პრეზიდენტმა.

internet.ge