კოალიცია „ქართული ოცნების“ ლიდერი მმართველი გუნდის მიერ დღეს ეროვნულ სტადიონზე დაგეგმილ პარტიულ ყრილობას გამოეხმაურა.

როგორც ბიძინა ივანიშვილმა „მეცხრე არხის“ ეთერში სტუმრობისას განაცხადა, ხელისუფლება დღეს დილიდან 60 ათასი მხარდამჭერის მობილიზებას რეგიონებიდან ცდილობს.

„ამ სასაცილო კადრებს ობიექტური ტელევიზიები გადაიღებენ და ყველაფერს ნახავთ. მთელი საქართველოდან აგროვებენ სამოცი ათასს კაცს და შეიძლება მაგის თავმოყრაც გაუჭირდეთ. ეს არის მათი მაქსიმალური შესაძლებლობა “, - განაცხადა ბიძინა ივანიშვილმა.

მის თქმით, პირველ ოქტომბერს დაგეგმილ საპარლამენტო არჩევნებზე „ნაციონალურმა მოძრაობამ“ შესაძლოა ბარიერი ვერ გადალახოს.

„იმდენად დაბალია მათი რეიტინგი, რომ შეიძლება მათ საარჩევნო ბარიერი ვერ გადალახონ და პარლამენტს გარეთ დარჩნენ“,- დასძინა „ქართული ოცნების“ ლიდერმა.

Internet.ge