როგორც ცოტა ხნის წინ „ინტერნეტ.ჯი“-სთვის გახდა ცნობილი, საპარლამენტო არჩევნების დასრულებამდე ერთი საათით ადრე „ქართულმა ოცნებამ“ მთელი საქართველოს მასშტაბით ზონდერ ჯგუფების მობილიზება გამოაცხადა.

უკვე ცნობილია, რომ არჩევნების შედეგების გამოცხადებას კოალიციის მხარდამჭერები ქუჩაში დაელოდებიან.

როგორც დღეს გამართულ პრესკონფერენციაზე ფანჯიკიძემ განაცხადა, დედაქალაქის სხვადასხვა უბანში კოალიციის მხარდამჭერები შეკრებას 19:00 საათიდან დაიწყებენ.

კერძოდ შეკრება იგეგმება: აღმაშენებლის გამზირზე, კიკვიძის ბაღთან, ახმეტელის, ავლაბრის, ვარკეთილის მეტროსადგურებთან, ვაკის პარკის ცენტრალურ შესასვლელთან, გორგასლის #81-ში და თავისუფლების მოედანზე.„ჩვენი მხარდამჭერები გამოთქვამენ სურვილს, გამარჯვება ერთად ვიზეიმოთ და იმის გათვალისწინებითაც, რომ ჩვენი შტატები, სადაც ისინი აპირებდნენ მოსვლას, ძალიან ხშირად მოუხერხებელ ადგილებშია, გადავწყვიტეთ, ეგზიტპოლების შედეგებს თბილისის რამდენიმე ადგილას და საქართველოს რამდენიმე ქალაქში, დიდ ეკრანებთან დაველოდოთ. 

ასევე, როგორც ცნობილია, თავად ბიძინა ივანიშვილი  ეგზიტპოლების შედეგებს კოალიციის ცენტრალურ ოფისში დაელოდება“,- განაცხადა ფანჯიკიძემ.

internet.ge