ცენტრალური საარჩევნო კომისიის პირველადი მონაცემებით, საპარლამენტო არჩევნებში 51,62 %-ით საარჩევნო ბლოკი „ბიძინა ივანიშვილი - ქართული ოცნება“ ლიდერობს.

მეორე ადგილზეა „ერთიანი ნაციონალური მოძრაობა – მეტი სარგებელი ხალხს“, რომელსაც ამომრჩეველთა 43,85 %-მა დაუჭირა მხარი.

დანარჩენი პარტიების პროცენტული მაჩვენებელი კი ასეთია: „გიორგი თარგამაძე - ქრისტიან-დემოკრატიული მოძრაობა“ – 2 %, „ახალი მემარჯვენეები“ – 0,45 %, „სახალხო მოძრაობა“ – 0,02 %, „შალვა ნათელაშვილი – საქართველოს ლეიბორისტული პარტია“ – 1,05 %, ჯონდი ბაღათურია „ქართული დასი“ – 0,12 %.

ცესკოს მონაცემებით, დათვლილია 198 უბნის შედეგები, რაც ამომრჩეველთა საერთო რაოდენობის 5,26 პროცენტია.

როგორც ცესკო-ს თავმჯდომარემ ზურაბ ხარატიშვილმა აღნიშნა, ამ დროისთვის მცირე უბნებია დათვლილი.

Internet.ge