„ქართული ოცნების“ ლიდერს მთავრობის და მინისტრთა კაბიმნეტის დაკომპლექტების გეგმა არ აქვს.

როგორც ჟურნალისტებთან შეხვედრაზე ივანიშვილმა აღნიშნა, ამის შესახებ მას ამ დრომდე არ უსაუბრია კოალიციაში შემავალ ლიდერებთან.

„მინისტრთა კაბინეტზე არ მიფიქრია. არც მისაუბრია ამაზე ჩემს გუნდთან. მინდა გითხრათ, რომ არც ერთმა ჩვენმა გუნდის წევრმა არ იცის რას ვუპირებ“,- განაცხადა ივანიშვილმა.

ივანიშვილი მოქალაქეობის საკითხსაც შეეხო და იმედი გამოთქვა, რომ მთავრობა აღნიშნულ საკითხს ერთი კვირის ვადაში გადაწყვეტს.

„თუ ჩემი მოქალაქეობის საკითხი არ გადაწყდა. ესეც არ არის პრობლემა, რადგან მოქმედი კანონმდებლობით მე მაქვს საშუალება პრემიერ-მინისტრი გავხვდე და დავაკომპლექტო მთავრობა“,- აღნიშნა „ქართული ოცნების“ ლიდერმა.

Internet.ge