დავით ბაქრაძე დღეს გამართულ ბრიფინგზე, ბიძინა ივანიშილის განცხადებას გამოეხმაურა, სადაც საუბარი რიგგარეშე საპრეზიდენტო არჩევნების დანიშვნას ეხებოდა. მისი შეფასებით, აღნიშნული ფაქტი კანონის უპატივცემულობა და დარღვევაა.

ბაქრაძის განმარტებით, კონსტიტუციის მიხედვით, პრემიერ-მინისტრს საქართველოს პრეზიდენტი წარადგენს.

„კონსტიტუციურად არაფერი უშლის ხელს საქართველოს პრეზიდენტს, რომ პრემიერად ვანო მერაბიშვილი და მისი მთავრობა წარადგინოს, რომელსაც ახალი პარლამენტი არ დაამტკიცებს, ამას მოყვება პოლიტიკური კრიზისი და 6 თვეში იქნება რიგგარეშე არჩევნები. კონსტიტუციით ამის გაკეთება შესაძლებელია. ჩვენ არ ვაკეთებთ ამას, რადგან, ქართველი ხალხის არჩევანს პატივს ვცემთ“,- განაცხადა ბაქრაძემ.

 internet.ge