ბიძინა ივანიშვილის განცხადებით, საქართველო ევროკავშირისა და ნატოსთან მიმართებაში დამოკიდებულებას არ შეცვლის. აღნიშნული განცხადება კოალიციის ლიდერმა „ევრონიუსისთვის“ მიცემულ ინტერვიუში გააკეთა.

ჟურნალისტი დაინტერესდა საქართველოს ეკონომიკური მომავლითაც.

„საქართველო არ არის მზად ამერიკულ და ევროპულ ბაზარზე პროდუქციის ექსპორტისთვის.  ჩვენთვის ამჯერად საინტერესო იქნება  დავბრუნდეთ უფრო ნაცნობ რუსულ ბაზარზე. ქართველი ბიზნესმენები გაცილებით უკეთ იცნობენ რუსულ ბაზარს. პრობლემა არის ის, რომ ძლიერი ადგილობრივი წარმოება არ გვაქვს“,- განაცხადა ივანიშვილმა და ყურადღება რუსეთთან სამომავლო ურთიერთობებზე გაამახვილა.

„რუსეთთან ურთიერთობის ნორმალიზაცია იოლი საქმე არ იქნება. ეს რთული საქმეა და ამას წლები დასჭირდება. პირველ რიგში ჩვენ უნდა ვიმუშაოთ კულტურული და სავაჭრო მიმართულებით. მხოლოდ ამის შემდეგ უნდა გავაკეთოთ ფოკუსირება საქართველოს ტერიტორიული მთლიანობის აღდგენაზე“,- განმარტა კოალიციის ლიდერმა.

internet.ge