ვლადიმერ პუტინი მსოფლიოში ერთ-ერთი ყველაზე არასასიამოვნო ადამიანია - წერს Forbes-ის კორესპონდენტი პოლ ჯონსონი.

„ის ადრე ახალგაზრდობისას მივიდა „კგბ“-ში და მას შემდეგ დაკავშირებულია სპეცსამსახურებთან. ეს მისი რელიგიაა“ - წერს ჟურნალისტი.

მისი თქმით, პუტინი პირადად აკონტროლებს საშიშ ბირთვულ იარაღს, აადვილებს იმის გაგებას, „თუ რატომაა ვლადიმერ პუტინი რუსეთის ბიუჯეტის  ასეთი ძვირადღირებული მუხლი“ ამბობს ჯონსონი.

საუბარია 5 მილიარდ დოლარზე, რომელიც ამჟამინდელ პრეზიდენტზე იხარჯება წლიურად.

ჟურნალისტის ინფორმაციით, პუტინს იცავს იმდენივე ადამიანი, რამდენიც სტალინს იცავდა - სპეცსამსახურების დაახლოებით 250 ათასი თანაშრომელი. რეზიდენციებიც იმდენივე აქვს, რამდენიც სტალინს ჰქონდა - ორი ათეული.

თუმცა ავტორი აღნიშნავს, რომ სტალინს ფული და ფუფუნება არ აინტერესებდა, „პუტინს კი უყვარს სიმდიდრე, ქონების დაგროვება, თუმცაღა მისი გემოვნება ძალზედ ვულგარულია“ - წერს ის.

პუტინს რომელიმე მისი მოწინააღმდეგე შეცვლის, მაგრამ ის ომის გარეშე არ წავა - ასკვნის ავტორი.

Internet.ge