"ქართული ოცნება" ახალ პარლამენტში 41 მაჟორიტარულ მანდატს მიიღებს განმეორებითი კენჭისყრის შედეგების გათვალისწინებით, "ქართული ოცნება" პარლამენტში კიდევ სამ მაჟორიტარს შეიყვანს.

სიღნაღში "ქართული ოცნების" კანდიდატს ამომრჩეველთა საერთო რაოდენობის 49.09%-მა დაუჭირა მხარი , "ერთიანი ნაციონალური მოძრაობის" კანდიდატ ლევან ბეჟაშვილს კი - 47%-მა. გუშინ სიღნაღში განმეორებითი კენჭისყრა მხოლოდ ერთ უბანზე ჩატარდა, სადაც გელა გელაშვილმა 356 ხმა მიიღო (50.5%), ხოლო ლევან ბეჟაშვილმა 86 ხმა (14.03%).

გორის საარჩევნო ოლქში "ქართული ოცნების" კანდიდატ მალხაზ ვახტანგაშვილს 47.43% უჭერს მხარს, ხოლო "ერთიანი ნაციონალური მოძრაობის" კანდიდატ გიორგი ტატიშვილს 46.19%. გუშინდელი შედეგების მიხედვით კი, ტატიშვილმა 32 ხმა მიიღო ( 7.41%), ვახტანგიშვილმა კი - 397 ხმა. (91.9%).

რაც შეეხება, ხაშურის საარჩევნო ოლქის შედეგებს,  "ქართული ოცნების" კანდიდატ ვალერი გელაშვილს ამომრჩეველთა 57.75% უჭერს მხარს, "ერთიანი ნაციონალური მოძრაობის" კანდიდატ სერგო ქიტიაშვილს კი - 33.61%.

Internet.ge