კოალიცია „ქართული ოცნების“ ლიდერის, ბიძინა ივანიშვილის განცხადებით, მათი მთავრობაში მოსვლის შემდეგ პოლიტიკური დევნა არ იგეგმება.

ივანიშვილის თქმით, ყველაფერს სამართლიანი სასამართლო გაარჩევს.

„არ იქნება რევანშისტობა და პოლიტიკური დევნა. მზად ვართ ვითანამშრომლოთ ყველასთან, ვისაც სისხლის სამართლის დანაშაული არ აქვს ჩადენილი“,- განაცხადა ივანიშვილმა.

მისივე თქმით, ადამიანების უმრავლესობა, რომლებიც სახელმწიფო უწყებებში მუშაობენ სამსახურს შეინარჩუნებს.

რაც შეეხება მინისტრობის კანდიდატებს, ივანიშვილის განცხადებით, მათი შერჩევა იმის მიხედვით მოხდა თუ როგორი წარსული ჰქონდა თითოეულ მათგანს, შემდეგ კი უპირატესობა პროფესიონალიზმს ენიჭებოდა.

internet.ge