მერვე მოწვევის პარლამენტში „ნაციონალურ მოძრაობა“ სამ ფრაქციად დაიშლება.
„ინტერნეტ.ჯი“–ს ინფორმაციით, ოპოზიციაში გადასულ „ნაციონალურ მოძრაობას“ ერთი ვიცე-სპიკერი ეყოლება და საპარლამენტო უმცირესობის ლიდერი ექს-სპიკერი დავით ბაქრაძე იქნება.
რაც შეეხება ფრაქციის ხელმძღვანელებს, უმცირესობაში შემავალი ფრაქციების თავმჯდომარეები იქნებიან - გოკა გაბაშვილი, აკაკი ბობოხიძე და ტარიელ ლონდარიძე. ხოლო, ვიცე-სპიკერის ფუნქციებს ყოფილი მინისტრი გიორგი ბარამიძე შეითავსებს.
შეგახსენებთ, რომ 2012 წლის საპარლამენტო არჩევნები 1-ელ ოქტომბერს გაიმართა, სადაც
2 150 197 ადამიანმა მიიღო მონაწილეობა.
ამომრჩეველთა 54.97 პროცენტმა
მხარი „ქართულ ოცნებას“ დაუჭირა, ხოლო 40.34 პროცენტმა „ნაციონალურ მოძრაობას“.
შესაბამიოსად, ქვეყნის უმაღლესი საკანონმდებლო ორგანო 150 დეპუტატით იქნება წარმოდგენილი, სადაც ოპოზიციაში გადასულ „ნაციონალურ მოძრაობას“ 65 დეპუტატი ეყოლება, ხოლო ხელისუფლებაში მყოფ „ქართულ ოცნებას“ - 85.
internet.ge
