საქართველოს ცენტრალური საარჩევნო კომისიის ინფორმაციით,  მე–8 მოწვევის პარლამენტში  კოალიცია "ქართულ ოცნებას" 85 მანდატი, "ერთიან ნაციონალურ მოძრაობას" კი -  65 მანდატი ექნება.

საარჩევნო სუბიექტებისთვის მიცემულ ხმათა რაოდენობის მიხედვით  ხმათა რაოდენობა ასე გადანაწილდა:

"ქართული ოცნება“ – 54,97%, ხოლო "ნაციონალური მოძრაობა“ - 40,34%.

რაც შეეხება მანდატებს, "ქართულ ოცნებას" პარლამენტში 85 დეპუტატი ეყოლება, მათ შორის პროპორციული სისტემით 44 მანდატს აიღებს, ხოლო მაჟორიტარული სისტემით - 41 მანდატს. "ნაციონალურ მოძრაობას", 65 მანდატი ექნება მათ შორის პროპორციული სისტემით 33, ხოლო მაჟორიტარული სისტემით - 32 მანდატი.

საბოლოო შედეგების მიხედვით, არჩევნებში მონაწილეობა 2 215 661 ამომრჩეველმა მიიღო. აქედან ბათილად იქნა მიჩნეული 62 874 ბიულეტენი.

შემაჯამებელ ოქმს ხელი ცესკოს თავმჯდომარე ზურაბ ხარატიშვილმა და ცესკოს კომისიის მდივანმა გიზო მჭედლიძემ მოაწერეს.

internet.ge