შინაგან საქმეთა მინისტრობის კანდიდატის ირაკლი ღარიბაშვილის შეფასებით, დღევანდელი დღე ძალიან მნიშვნელოვანია, რადგან ხელისუფლების გადაბარების პროცესი დემოკრატიულად და ექსცესების გარეშე მიმდინარეობს.

ჟურნალისტებთან საუბრისას ღარიბაშვილმა დღევანდელი დღე მთელს საქართველოს მიულოცა.

"მინდა დღევანდელი დღე ყველას მივულოცო, ეს მნიშვნელოვანი დღეა. პირველ ოქტომბერს ქვეყნის განვითარების გზაზე მნიშვნელოვანი მოვლენა მოხდა. ის ფაქტი, რომ ხელისუფლების გადაბარების პროცესი დემოკრატიულად და ექსცესების გარეშე მიმდინარეობს, ძალიან მნიშვნელოვანია. ამ დღეს მთელ საქართველოს ვულოცავ", - აღნიშნა ირაკლი ღარიბაშვილმა.

Internet.ge