საქართველოს პრეზიდენტის მიხეილ სააკაშვილის განცხადებით, ახალი მოწვევის პარლამენტი არის სიმბოლო ახალი საქართველოსი, რომელიც ძველი პერიოდისგან რადიკალურად განსხვავდება.

პრეზიდენტმა დღეს, გამოსვლისას 1992 წლის მოვლენენებიც გაიხსენა, როდესაც მან არჩევნები წააგო.

ქვეყნის პირველმა პირმა ყველას მომავალ საქმიანობაში წარმატება უსურვა.

“1992 წელს მე წავაგე არჩევნები, ჯერ კიდევ ნორჩმა და მაშინ ცესკოს თავმჯდომარე იყო ვანო კიღურაძე, რომელიც დღეს წაიყვანს სხდომას, ხოლო ექსპერტი, რომელიც ყველა დონეზე ჩნდებოდა ტელევიზიებში, იყო დავით უსუფაშვილი. როგორ შეიცვალა მას შემდეგ ყველაფერი, გარდა იმისა, რომ მე არჩევნები წავაგე: ვანო კიღურაძე გაუძღვება დღეს სხდომას, რომლის შედეგადაც დავით უსუფაშვილი გახდება პარლამენტის თავმჯდომარე”,- განაცხადა სააკაშვილმა.

Internet.ge