პრემიერ-მინისტრობის კანდიდატის განცხადებით, ყოველგვარი დაპირისპირება თავიდან უნდა იქნას აცილებული და ყველაფერი უნდა გაკეთდეს, რათა პოლიტიკური ნიშნით ვინმეს პასუხისმგებლობის საკითხი არ დადგეს.
როგორც ჟურნალისტებს ბიძინა ივანიშვილმა, პარლამენტის შენობის დატოვებამდე განუცხადა, დღეს განსაკუთრებული დღეა, რადგან ხელისუფლება დემოკრატიული გზით შეიცვალა.
ივანიშვილის მტკიცებით, ახალი მთავრობა ყველაფერს გააკეთებს იმისათვის, რომ დეცენტრალიზაცია მოხდეს.
დღესვე, ივანიშვილმა მერაბიშვილის განცხადებაზე გააკეთა კომენტარი, სადაც მერაბიშვილი ხელისუფლებაში კვლავ დაბრუნებაზე საუბრობს.
“ესენი ერთმანეთს ამხნევებენ, თორემ თვითონაც იციან, რომ ხელისუფლებაში მოსვლის არანაირი შანსი არ აქვთ. ჩვენ დემოკრატიას ვაშენებთ და ყველას ექნება საშუალება ამ პროცესში მონაწილეობა მიიღოს. საქართველოში ყველამ ყველაფერი ძალიან კარგად იცის და ვერ წარმომიდგენია, რომ ამათზე ქართველ ხალხს გული შემოუბრუნდეს”,- განაცხადა ივანიშვილმა.
Internet.ge
