„თავისუფალი დემოკრატების“ ლიდერი ირაკლი ალასანია თავიდაცვის მინისტრის თანამდებობაზე დამტკიცებისთანავე პარტიის თავმჯდომარის პოსტს დატოვებს.

როგორც ჟურნალისტებს ალასანიამ განუცხადა, მისი ქმედებით, თავდაცვის უწყების დეპოლიტიზაციას ჩაუყრის საფუძველს. პირველი, რასაც ის გააკეთებს, არის შეიარაღებულ ძალებზე სამოქალაქო კონტროლის გაძლიერება და ფინანსური დისციპლინის დამყარება.

"ჩვენი მთავარი ღირებულება არის ჯარისკაცი და მეომარი. ყველანაირი პირობა უნდა შეიქმნას იმისთვის, რომ მან სამშობლო ღირსეულად დაიცვას. ჩემი მთავარი ამოცანა იქნება, გაიზარდოს სამოქალაქო კონტროლი შეიარაღებულ ძალებზე და დამყარდეს ფინანსური დისციპლინა, რადგან ასობით მილიონი ლარია გაფლანგული და ეს საკითხი გამოძიებული უნდა იყოს. გარდა ამისა, უღირსად ექცეოდნენ ჯარისკაცებს. ყველა ასეთი მეომრის საქმე გამოძიებული იქნება“, - დასძინა მან.

Internet.ge