"ქართველმა ოპოზიციონერმა ბიძინა ივანიშვილმა, რომლის პარტია ‘’ქართულმა ოცნებამ" საპარლამენტო არჩევნები მოიგო, განაცხადა, რომ 2008 წლის ომის პროვოცირება საქართველომ მოახერხა”. ამის შესახებ რუსული "კომსომოლსკაია პრავდა” წერს სტატიაში სათაურით: "ივანიშვილმა აღიარა საქართველოს ბრალი 2008 წლის ხუთდღიან ომში” და ივანიშვილის სიტყვებს ციტირებს: "ხუთდღიანი ომი იყო სააკაშვილის მიერ დაგეგმილი დიდი პროვოკაცია... ამას ამერიკელები და ევროპელებიც აღიარებენ. ეს პროცესები შეიძლება არ მომხდარიყო, ჩვენ რომ ნორმალური ხელმძღვანელობა გვყოლოდა” - იმოწმებს რუსული გამოცემა საქართველოს მომავალი პრემიერ-მინისტრის განცხადებას.

არა მარტო "კომსომოლსკაია პრავდა”, არამედ ზოგადად რუსული მედიასაშუალებების უმრავლესობა დღეს ამ თემას ასევ ვთქვათ, რევანშისტული სათაურების სტატიებს უძღვნის: მაგალითად, "ივანიშვილმა სააკაშვილი ომის გაჩაღებაში დაადანაშაულა”, "ბ. ივანიშვილი: 2008 წელს ომი საქართველომ დაიწყო”, "08.08.08. სააკაშვილმა დაიწყო”, "ივანიშვილი: ომი ოსეთში სააკაშვილმა დაიწყო”, "ივანიშვილმა განაცხადა, რომ სწორედ საქართველომ დაიწყო ომი 2008 წელს” და ა.შ.

მსგავსი სათაურები არაერთია და რუსული გამოცემების დღის მთავარი თემაა.

internet.ge