მაია ფანჯიკიძე აცხადებს, რომ დიპლომატიურ სამსახურში საკადრო ცვლილებები განხორციელდება, თუმცა
კონკრეტული გვარების დასახელებისგან თავს იკავებს.
როგორც კანცელარიაში პრემიერ-მინისტრ ბიძინა ივანიშვილთან შეხვედრაზე
მისულმა საგარეო საქმეთა მინისტრმა აღნიშნა, ვისაც საკადრო ცვლილება შეეხება, ეს
ამბავი პრესის ფურცლებიდან არ უნდა გაიგოს.
„ცვლილებები
იქნება, თუმცა არც
ერთი
გვარის დასახელებას ახლა არ ვაპირებ, რადგან იმ ადამიანებმა, ვისაც ეს შეეხებათ, ეს ამბავი უნდა შეიტყონ არა პრესის მეშვეობით, არამედ ჩემგან ან სამინისტროს სხვა ხელმძღვანელისგან", - განაცხადა ფანჯიკიძემ.
ჟურნალისტები საგარეო საქმეთა მინისტრის მოადგილეების საკითხითაც
დაინტერესდნენ, როგორც ფანჯიკიძემ განმარტა, ორი მოადგილის თანამდებობა ამ
დრომდე ვაკანტურია.
Internet.ge
