უკრაინაში საპარლამენტო არჩევნები ჩატარდა.  საარჩევნო უბნების დახურვისთანავე გამოცხადდა ეგზიტპოლის შედეგები, რომლის მიხედვითაც, ქვეყნის უმაღლეს საკანონმდებლო ორგანოში 5 პოლიტიკური პარტია ხვდება.

წინასწარი შედეგებით, ამომარჩეველთა ყველაზე დიდი რაოდენობა პარტია "რეგიონებმა" დააგროვა. მას ოპოზიციური გაერთიანება "ბატკივშინა" მოსდევს. წინასწარი გამოკითხვების შედეგებით, პარლამენტში მოხვდა ვიტალი კლიჩკოს პარტია "უდარიც". უმაღლეს საკანონმდებლო ორგანოში მოსახვედრად 5-პროცენტიანი ბარიერი გადალახეს კომუნისტურმა პარტიამ და პარტია "თავისუფლებამაც".

შეგახსენებთ, რომ უკრაინის მოქალაქეებს საკუთარი არჩევანის დაფიქსირება საქართველოში გახსნილ საარჩევნო უბნებზე შეეძლოთ. თბილისში დარეგისტრირებული 278 ამომრჩევლიდან უბანზე 215 პირი მივიდა.

Internet.ge