საპარლამენტო უმცირესობის ლიდერი დავით ბაქრაძე, ბაჩო ახალაიას დაკავებას გამოეხმაურა.
ბაქრაძის განცხადებით, მისთვის გაუგებარია, თუ რატომ მოხდა ბაჩო ახალაიას დაკავება პროკურატურაში პირველივე დაბარებისას და ასევე ჯერჯერობით გაუგებარია ბრალდების შინაარსი.
მისივე შეფასებით, ახალაიას საქმე ხელისუფლების სერიოზული ტესტი და გამოწვევაა და უმნიშვნელოვანესია, ახალი ხელისუფლება დაადგება პოლიტიკური ანგარიშსწორების გზას, თუ აირჩევს სამართლებრივ სივრცეში მოქმედებიას და სამართლებრივი პროცედურების მიმართულებას.
შეგახსენებთ, რომ სამართალდამცველებმა შს ყოფილი მინისტრი ბაჩო ახალაია, გაერთიანებული შტაბის უფროსი გიორგი კალანდაძე და მეოთხე ბრიგადის მეთაური ზურაბ შამათავა დააკავეს. მათ ბრალი სისხლის სამართლის კოდექსის 333-ე მუხლით, სამსახურეობრივი უფლებამოსილების გადამეტებაში ედებათ.
internet.ge
