2012 წლის 18 აპრილს, ნატო-ში მიმდინარე საგარეო და თავდაცვის მინისტრების გაერთიანებული შეხვედრის ფარგლებში, საგარეო საქმეთა მინისტრმა გრიგოლ ვაშაძემ ორმხრივი შეხვედრა გამართა აშშ-ის სახელმწიფო მდივანთან ჰილარი ქლინტონთან.

შეხვედრის მთავარ განსახილველ საკითხს 20-21 მაისს ჩიკაგოში დაგეგმილი ნატო-ს სამიტისთვის მომზადება წარმოადგენდა. მხარეებმა იმსჯელეს როგორც სამიტის ფორმატებზე, ასევე მის შინაარსობრივ მხარეზე.

შეხვედრაზე განიხილეს ასევე ISAF-ის ოპერაციაში საქართველოს მონაწილეობასთან დაკავშირებული, რეგიონული უსაფრთხოების და ორმხრივი თანამშრომლობის მნიშვნელოვანი საკითხები. სახელმწიფო მდივანმა დადებითად შეაფასა საქართველოში მიმდინარე რეფორმები.

internet.ge