დღეს, პარლამენტის პლენარული სხდომა გაიმართება, სადაც იმ დეპუტატების ვინაობა გახდება ცნობილი, რომელთაც ერთი თვის ხელფასზე უარის თქმა მოუწევთ.
დეპუტატებისთვის ხელფასის დაქვითვა გასულ სასესიო კვირას ჩაშლილ კენჭისყრის შედეგებს უკავშირდება. კერძოდ, 12 აპრილის სხდომაზე, კენჭისყრები ქვორუმის არარსებობის გამო ჩაიშალა და მომავალი კვირისთვის გადაიდო. სხდომაზე დეპუტატებმა რეგისტრაცია სამჯერ გაიარეს, მაგრამ დარბაზში მყოფი კანონმდებლების რიცხვი, ქვორუმისთვის საჭირო დეპუტატების რიცხვს, მკვეთრად ჩამოუვარდებოდა.
ამასთან, მანდატურთა სამსახური პარლამენტის თავმჯდომარეს, დავით ბაქრაძეს, დღეს იმ დეპუტატთა ვინაობას ამცნობს, რომელთა პულტები სხდომაზე სხვა დეპუტატების მიერ იქნა გამოყენებული. ამისთვის მათ ერთი თვის ხელფასი დაექვითებათ.
შეგახსენებთ, რომ ჩაშლილ კენჭისყრაზე დეპუტატებს სახალხო დამცველის ანგარიშზე დადგენილება უნდა მიეღოთ. ასევე, მეორე მოსმენით უნდა დაემტკიცებინათ „მოქალაქეთა პოლიტიკურ გაერთიანებების შესახებ“ კანონში ცვლილებები.
internet.ge
