„ქრისტიან-დემოკრატები“ ომის ყველა მონაწილისთვის სტატუსის მინიჭებასა და შესაბამის შეღავათებს ითხოვენ.

როგორც პარლამენტის დღევანდელ პლენარულ სხდომაზე, გიორგი ახვლედიანმა განაცხადა, დიდი სამამულო ომის ვეტერანები ხელისუფლებას წელიწადში ერთხელ ახსენდება, ხოლო საქართველოს ერთიანობისთვის მებრძოლებისთვის ვეტერანის სტატუსი დღემდე არ გაუმეტებია.

მისი თქმით, მმართველ გუნდს ომის ვეტერანები  9 მაისს ახსენება.

„ცხინვალის ომში, აფხაზეთში, ავღანეთში მებრძოლი ბიჭებისთვის კი ხელისუფლებამ სტატუსიც კი ვერ გაიმეტა. ასეთი მიდგომა გმირი ბიჭების მიმართ საბოლოოდ მიგვიყვანს იქამდე, რომ მათ არ ექნებათ მოტივაცია იბრძოლონ სახელმწიფოს ინტერესებისთვის. ამიტომ, ეს ადამიანები უნდა იყონ დაფასებულნი, მიენიჭოთ ვეტერანის სტატუსი და ყველა მათგანი იყოს დაზღვეული. საკანონმდებლო ცვლილებების მიღებას ხელისუფლება სურვილის შემთხვევაში 9 მაისამდეც მოასწრებს და ქვეყნის 8 მილიარდიან ბიუჯეტს ეს ცვლილებები არ დააქცევს“, – დასძინა მან.

internet.ge