პარტია „ქართული ოცნება-დემოკრატიულმა საქართველომ“  იუსტიციის სამინისტროს   პარტიის იურიდიული რეგისტრაციისთვის  საჭირო დოკუმენტაცია წარუდგინა.  

ივანიშვილის სამდივნოს ინფორმაციით, სამინისტროში დოკუმენტები პარტიის თავმჯდომარემ მანანა კობახიძემ, პარტიის აღმასრულებელმა მდივანმა ნოდარ ხადურმა და  პარტიის წევრმა  ეკა ბესელიამ ჩააბარეს . 

„რეგისტაციისთვის საჭირო დოკუმენტებს შორის არის  პარტია „ქართული ოცნება-დემოკრატიული საქართველოს“  2201 წევრის ხელმოწერა (ნაცვლად კანონით დადგენილი 1000 ხელმოწერისა), პარტიის სადამფუძნებლო ოქმი,  წესდება, დეკლარაცია, პარტიის სიმბოლიკა და იურიდიული მისამართის დამადასტურებელი  სხვა საჭირო დოკუმენტაცია. როგორც პარტია „ქართული ოცნება - დემოკრატიული საქართველოს“ თავმჯდომარემ მანანა კობახიძემ განაცხადა,  პარტიის მხრიდან რეგისტრაციისათვის საჭირო ყველა იურიდიული პროცედურა  ზედმიწევნითაა დაცული. კანონის მოთხოვნით,  იუსტიციის სამინისტრომ პარტია რეგისტაციაში ერთი თვის ვადაში უნდა გაატაროს“,- ნათქვამია დღეს გავრცელებულ განცხადებაში.

Internet.ge