მიმდინარე კვირას, პარლამენტში ჩრდილოეთ კავკასიის ხალხებთან ურთიერთობის საქართველოს სახელმწიფო სტრატეგიის განხილვა იწყება.
როგორც
ჟურნალისტებს დიასპორისა და კავკასიის საკითხთა კომიტეტის თავმჯდომარემ
ნუგზარ წიკლაურმა განუცხადა,
სტრატეგიის დოკუმენტი, მისმა კომიტეტმა ეროვნული უშიშროების საბჭოს წარმომადგენლებთან ერთად შეიმუშავა.
მისი თქმით, სტრატეგიაზე კომიტეტი მეცნიერებთან და ექსპერტებთან ერთად, 2 მაისს იმსჯელებს,
რის შემდეგაც დოკუმენტს საპარლამენტო კომიტეტები განიხილავენ.
„სტრატეგია ყველა იმ სფეროს
მოიცავს, რომელიც კავკასიელ ხალხს ერთმანეთთან მრავალი საუკუნის განმავლობაში აკავშირებს. კერძოდ, სტრატეგია მოიცავს - ხალხთა
შორის კავშირებს, ადამიანის უფლებებს, თავისუფალ მასმედიას, სამოქალაქო საზოგადოებას, ეკონომიკასა და ვაჭრობას, ისტორიული სამართლის დადგენის ხელშეწყობას, კულტურასა და ტრადიციებს და ა.შ. საქართველო კავკასიის განუყოფელი ნაწილია და რეგიონში მიმდინარე პროცესები მისთვის სულერთი არ არის“, - დასძინა მან.
Internet.ge
