2–3 მაისს, ევროკავშირი-საქართველოს საპარლამენტო თანამშრომლობის კომისიის სხდომა გაიმართება.

როგორც „ინტერნეტ.ჯი“–ს პარლამენტის პრესსამსახურიდან აცნობეს, ხვალ,  საკანონმდებლო ორგანოში ევროკავშირი-საქართველოს საპარლამენტო თანამშრომლობის კომისიის მე-14 სხდომა გაიმართება, რომელსაც  საგარეო საქმეთა მინისტის მოადგილე, თორნიკე გორდაძე და საქართველოში ევროკავშირის დელეგაციის ხელმძღვანელი ფილიპ დიმიტროვი გახსნიან.

რაც შეეხება 3 მაისს,  პარლამენტის ევროპასთან ინტეგრაციის კომიტეტის თავმჯდომარე, დავით დარჩიაშვილი და  ევროკავშირი-საქართველოს საპარლამენტო კომისიის თანათავმჯდომარე, მილან ცარბნოხი ერთობლივ ბრიფინგს გამართავენ.

ამას გარდა, დელეგაციის წევრები არასამთავრობო ორგანიზაციების, ოპოზიციის  წარმომადგენლებს და მცხეთის მუნიციპალიტეტის გამგებელს თემურ აბაშიძეს შეხვდებიან.

Internet.ge