„ქართულ ოცნებაში“  ამერიკის საერთაშორისო რესპუბლიკური ინსტიტუტის (IRI) მიერ გამოქვეყნებული პოლიტიკური პარტიების რეიტინგებს არ იცნობენ. ამის შესახებ „ინტერნეტ.ჯი“-ს კოალიციის ლიდერის ბიძინა ივანიშვილის პრესსპიკერმა განუცხადა.

„ჩვენი წარმომადგენლები IRI-ს კვლევების პრეზენტაციაზე არ ყოფილან. შესაბამისად, რეიტინგებზე ჯერ ვერ ვისაუბრებთ“,- განაცხადა მაია ფანჯიკიძემ.

ამერიკის საერთაშორისო რესპუბლიკური ინსტიტუტის (IRI) მიერ საქართველოში პოლიტიკური პარტიების რეიტინგების კვლევის რამოდენიმე შედეგი  უკვე ცნობილია.

კითხვაზე, ხვალ რომ საპრეზიდენტო არჩევნები იყოს, რომელი პოლიტიკური პარტიის კანდიდატს მისცემდით ხმას? - შედეგები ასე გადანაწილდა. "ნაციონალური მოძრაობის" კანდიდატი - 37 %, "ქართული ოცნება" - 19 %, "ქრისტიან-დემოკრატიული მოძრაობა - გიორგი თარგამაძე - 10 %.

კითხვაზე, რომელი ოპოზიციური პარტიის ლიდერს ენდობით ყველაზე მეტად, ლიდერობს გიორგი თარგამაძე - 28 %, ბიძინა ივანიშვილი - 21 %.

ამერიკის საერთაშორისო რესპუბლიკურმა ინსტიტუტმა კვლევა "GALLUP"–ის მეშვეობით ჩაატარა.

Internet.ge