ბელგია არ აპირებს მიიღოს მიწვევა ევრო-2012-ზე. ამის შესახებ, უკრაინის საინფორმაციო საშუალებები იუწყებიან. ევროპის ჩემპიონატისთვის გამოცხადებული ბოიკოტი იულია ტიმოშენკოს მიმართ, უკრაინის ხელისუფლების ძალადობრივი მოპყრობის მეთოდებს უკავშირდება.

ბელგიის გარდა, ჩემპიონატის ბოიკოტირების შესახებ გადაწყვეტილება გააჟღერა ნიდერლანდებმაც. საგარეო საქმეთა მინისტრმა, ტიმოშენკოსა და სხვა პატიმრების მიმართ მოპყრობის, უკრაინული წესების საერთაშორისო ნორმებთან შესაბამისობაში მოყვანა მოითხოვა.

გარდა ამისა, გერმანიის კანცლერმა განაცხადა, რომ შესაძლოა, უარი თქვას ევროპის ჩემპიონატზე ჩასვლაზე. მისი გადაწყვეტილებაც იულია ტიმოშენკოს მდგომარეობაზე იქნება დამოკიდებული.

ასეთივე პოზიცია დააფიქსირა ევროკომისიის ხელმძღვანელმა ჟოზე მანუელ ბაროზუმ.

ბოიკოტს უერთდება ავსტრიაც, რომლის საგარეო საქმეთა სამინისტრომაც, ასევე გააკეთა განცხადება და აღნიშნა, რომ ეს იქნება პროტესტი იმ პირობების მიმართ, რა პირობებშიც უკრაინა ყოფილ პრემიერ-მინისტრს ამყოფებს.

ხორვატიის პრეზიდენტმა ივო იოსიფოციჩმა კი მიიღო გადაწყვეტილება, თავი შეიკავოს იალტაში დაგეგმილ ცენტრალური ევროპის სამიტში მონაწილეობისგან, რათა თავისი პროტესტი გამოხატოს უკრაინაში ადამიანის უფლებების დარღვევის ფაქტებთან დაკავშირებით. იალტის სამიტს ბოიკოტს უცხადებს ასევე გერმანია, ავსტრია და სავარაუდოდ, ჩეხეთი. Internet.ge