ევროკავშირი-საქართველოს საპარლამენტო თანამშრომლობის კომისიის ხელმძღვანელის, მილან ცარბნოხის განცხადებით, ევროკავშირი მზად არის საქართველოს დემოკრატიული რეფორმების განხორციელებაში დაეხმაროს, მაგრამ ქვეყნის ნათელ მომავალზე პასუხისმგებლობა თავად ქართველ ხალხს ეკისრება.

პარლამენტში აღნიშნული კომისიის სხდომა რამდნეიმე წუთის წინ დასრულდა, რის შემდეგაც ბრიფინგი გაიმართა.

როგორც ბრიფინგზე მილან ცარბნოხმა განაცხადა, ქვეყანაში დემოკრატიის კუთხით, ადამიანის უფლებები უნდა იყოს დაცული, სამართლიანი არჩევნები ჩატარდეს, პოლიტიკურ პარტიებს მედიის ხელმისაწვდომობა უნდა ჰქონდეთ და ქვეყნის ეკონომიკა უნდა ვითარდებოდეს.

„საქართველომ ევროკავშირთან ინტენსიურად უნდა ითანამშრომლოს. ევროკავშირი მზად არის დემოკრატიის განვითარებისთვის რეფორმების გატარებაში დაგეხმაროთ,მაგრამ ეს თქვენი ქვეყნაა და ქვეყნის ნათელ მომავალზე პასუხისმგებლობა თავად ხალხს ეკისრება. ჩვენ მზად ვართ დაგეხმაროთ, მაგრამ მითითებებს ვერ მოგცემთ“,- დასძინა მან.

internet.ge