ამერიკის საერთაშორისო რესპუბლიკური ინსტიტუტის (IRI) მიერ, საქართველოში ჩატარებულ კვლევაში მოსახლეობამ შეაფასა საქართველოს საგარეო ურთიერთობები.

გამოკითხულთა 94%–მა მიიჩნია, რომ ამერიკათან გვაქვს კარგი ურთიერთობა, ანალოგიური მაჩვენებელი დაფიქსირდა უკრაინასთან დაკავშირებითაც. 93%-მა დადებითად შეაფასა აზერბაიჯანთან ურთერთობა, ხოლო 91%–მა ევროკავშირის ქვეყნებთან. ასევე, პოზიტიურად შეფასდა საქართველოს ურთიერთობა ლიტვასთან, თურქეთთან, საფრანგეთთან, პოლონეთთან, გერმანიასთან, სომხეთთან და ირანთან.

რაც შეეხება რუსეთს, მხოლოდ 3 %–ი ხედავს საქართველო–რუსეთის ურთერთობას დადებითად, 94 % კი – უარყოფითად. ასევე, აღსანიშნავია, რომ გამოკითხულთა 82 % რუსეთს საფრთხეთ აღიქვამს და მხოლოდ 9 % მიიჩნევს მას პარტნიორად.

გამოკითხულთა ყველაზე დიდი ნაწილი პარტნიორად ამერიკას განიხილავს (60%), ასევე, პარტნიორებად მიიჩნევიან უკრაინა (29%), აზერბაიჯანი (28%), ევროკავშირის ქვეყნები (25%). ამასთანავე, რესპონდენტთა თანაბარი რაოდენობა (3–3%)  საფრთხედ აღიქვამს თურქეთს, ამერიკასა და სომხეთს, 5% კი – ირანს.