26 მაისს, ქუთაისში პარლამენტის საზეიმო პლენარულ სხდომას საპარლამენტო ოპოზიცია არ დაესწრება.

როგორც ჟურნალისტებს „ქრისტიან–დემოკრატების“ წარმომადგენელმა, გიორგი ახვლედიანმა განუცხადა, „ნაციონალური მოძრაობა“ და პრეზიდენტი მიხეილ სააკაშვილი 26 მაისს, საპიარო სხდომის ჩატარებას გეგმავს, რაშიც მისი ფრაქციის წევრები მონაწილეობას არ მიიღებენ.

„მათი პიარაქციის ნაწილი არ გავხდებით“, – დასძინა კანონმდებელმა.  

„ქრისტიან–დემოკრატების“ მსგავსად, სხდომას არც ფრაქცია „ერთობა სამართლიანობისთვის“ წევრები დაესწრებიან.

ფრაქციის თავმჯდომარის, დიმიტრი ლორთქიფანიძის განცხადებით,  პარლამენტის ადგილსამყოფელი ჯერ-ჯერობით თბილისშია, ამიტომ ისინი ქუთაისში პარლამენტის  სხდომაში მონაწილეობის მიღებას არ გეგმავენ.   

Internet.ge