ევროპა განსაკუთრებული ყურადღებით ელის 6 მაისს. ამ დღეს საპრეზიდენტო არჩევნები იმართები საფრანგეთში, რომელიც გერმანიასთან ერთად ევროკავშირის გადარჩენასა და გაძლიერებას ცდილობს.

არჩევანის გაკეთაბა მოუწევს საბერძნეთის მოსახლეობაც, რომელიც გაკოტრების რისკის ზღვარზეა და ვადამდელ არჩევნებს მართავს პარლამენტს ასარჩევად.

„მსოფლიოს ყურადღება საბერძნეთისკენაა მიპყრობილი, რადგან გაურკვეველია, შეძლებენ თუ არა ამომრჩევლები შესაბამისი პოლიტიკური გადაწყვეტილების მიღებას, თუ ხელმეორედ მოუწევთ არჩევნებზე მისვლა რამდენიმე თვის შემდეგ. რაც შეეხება საფრანგეთს, ინვესტორები პარიზისკენ იხედებიან, რათა გაიგონ, რა ბედი ელის ევროს უახლოესი წლების განმავლობაში და, რაც მთავარია, დარჩება თუ არა იგი საერთაშორისო მიმოქცევაში,“ – აცხადებს „Wall Street Journal“-ის მიმომხილველი გაბრიელ პარუსინი.

საბერძნეთის პარლამენტში უმრავლესობით შესვლის მთავარი კანდიდატები არიან „საბერძნეთის სოციალისტური მოძრაობა“, რომლის ლიდერიც ევანგელოს ვენიზელოსია, და კონსერვატორები „ახალი დემოკრატიიდან“, რომელთა სათავეშიც ანტონის სამარასია.

ექსპერტები მიიჩნევენ, რომ არჩევნების შემდეგ საბერძნეთის პარლამენტში პარტიათა რეკორდული მაჩვენებელი დაფიქსირდება და მათი რიცხვი 10–ს მიაღწევს.

რაც შეეხება საფრანგეთს, აქ პირველი ტური მართალია, ფრანსუა ოლანდის გამარჯვებით დასრულდა, თუმცა მის მეტოქეს, ნიკოლა სარკოზის, საკმაო დრო ჰქონდა ამომრჩევლების კვლავ მისამხრობად. ბოლო გამოკითხვებით, ოლანდი მცირე უპირატესობას ფლობს, თუმცა საბოლოო სიტყვა მაინც მოსახლეობაზეა, რომელიც თავის აზრს ხვალ გამოხატავს.

Internet.ge