საპარლამენტო უმრავლესობის ლიდერ, დეპუტატ პეტრე ცისკარიშვილის ინფორმაცით, ზაფხულის განმავლობაში, სტუდენტთა დასაქმების პროგრამით, 25 000 სტუდენტი დასაქმდება.

ამის შესახებ, პარლამენტის დღევანდელ სხომაზე, ცისკარიშვილმა მას შემდეგ განაცხადა, რაც ჯონდი ბაღათურიამ აღნიშნა, რომ სტუდენტთა დასაქმების პროგრამაში მონაწილეობის საშუალება, ხელისუფლებისადმი ლოიალურად განწყობილ სტუდენტებს ეძლევათ.

ცისკარიშვილის თქმით, შესაბამისი განაცხადი 65 000-მა სტუდენტმა შეიტანა და არა 102 000-მა სტუდენტმა.

“სამწუხაროდ, ყველა ვერ დასაქმდება. ეს არსებული ვაკანსიებისა და რესურსების მიხედვით მოხდება. თქვენს მაგალითზე ნახეთ - რამდენი ხანია, ანკეტა შევსებული გაქვთ, მაგრამ შუშის სასახლეში მაინც ვერ დასაქმდით”, - დასძინა მან.

 internet.ge