პრეზიდენტის ადმინისტრაცია სამართალდამცველებს, ტერაქტების მცდელობის დროულად აღკვეთისთვის მადლობას უხდის. ამის შესახებ განცხადება, მანჯგალაძემ დღეს გამართულ ტრადიციულ ბრიფინგზე გააკეთა.

მანჯგალაძის შეფასებით,  ის ფაქტი, რომ ასაფეთქებელი ნივთიერებები რუსეთის მიერ ოკუპირებული ტერიტორიიდან იყო შემოტანილი, ქართველი ხალხისა და საზოგადოების მიმართ, რუსეთის ფედერაციის აგრესიულ ზრახვებს ადასტურებს.

პრეზიდენტის პრესსპიკერის თქმით, სწორედ სამართალდამცველების ოპერატიულობის წყალობით, თავიდან იქნა აცილებული საკმაოდ დიდი საფრთხე.

ქართველი ხალხის მიმართ "სიყვარული" კი, რუსეთის მხრიდან, ჯერ მხოლოდ ქართველი ხალხის სიცოცხლის წინააღმდეგ მიმართულ ქმედებებში გამოიხატება.

შეგახსენებთ, რომ რამდენიმე დღის წინ, ზუგდიდში, პროკურატურის შენობასთან, ასაფეთქებელი ნივთიერება აღმოაჩინეს.

Internet.ge