მიხეილ სააკაშვილის განცხადებით, საქართველოში დღეს, კანონის წინაშე ყველა თანასწორია. ამის შესახებ პრეზიდენტმა ყვარელში,  "კომპიუტერული ცოდნის გამავრცელებელი საზოგადოების"  პრეზენტაციაზე განაცხადა.

„აღარ აქვს მნიშვნეობა ვის რამდენი ფული აქვს, კანონის წინაშე ყველა ერთნაირად თანასწორია იმის მიუხედავად, თუ რამდენი ფული აქვს, ან რომელ ქუჩაზე ცხოვრობს“,– განაცხადა მიხეილ სააკაშვილმა და საქართველოში პირადობის მოწმობის აღების გამარტივებაზე გაამახვილა ყურადღება.

„დღეს აღმოვაჩინე, რომ არ მქონდა ელექტრონული პირადობის მოწმობა, ყოველგვარი ტელე- კამერების გარეშე ჩავედი ბათუმში, ჩავდექი 2–3 კაციან რიგში, გადავიხადე თანხა, გადავიღე სურათი, მითხრეს თუ მეჩქარებოდა IDI ბარათის იქვე აღება შემуძლო, თუ არა და აქ ყვარელში გამომიგზავნიდნენ. ასე გამარტივდა ახალი ტექნოლოგიებითა და სისტემით პირადი დოკუმენტების აღება. რაც მთავარია, ასეთი მომსახურება მხოლოდ საქართველოს პრეზიდენტს არ ეხება. მთელი სიამოვნება იმაშია, რომ ეს მომსახურება ყველა ქართველს და არა ქართველს ეხება“,– განმარტა მიხეილ სააკაშვილმა.

Internet.ge