ამ წუთებში ვლადიმერ პუტინი და ალექსანდრ ანქვაბი „რუსეთ-აფხაზეთის საზღვართან“ ხვდებიან ერთმანეთს - იუწყება „რია ნოვოსტი“.

რუსეთის პრეზიდენტი და სეპარატისტული რეჟიმის ლიდერი მდინარე ფსოუზე სასაზღვრო პუნქტს ათავალიერებენ.

გამშვები პუნქტზე საავტომობილო გზის მშენებლობისთვის ფული მოსკოვმა გამოყო. მან სრული დატვირთვით მუშაობა მიმდინარე წლის 16 მარტს დაიწყო. გამშვები პუნქტის „ადლერის“ საფეხმავლო გზის რეკონსტრუქცია კი ამჟამადაც მიმდინარეობს.

ჯერ-ჯერობით, სხვა ინფორმაცია შეხვედრის შესახებ არ ვრცელდება. როგორც ცნობილია, დღესვე, პუტინი თავად გეგმავს სოხუმში ჩასვლას. ხვალ კი, სოჭში, რუსეთის პრეზიდენტი, მეორე ოკუპირებული რეგიონის მარიონეტული რეჟიმის ლიდერს ლეონიდ თიბილოვს შეხვდება.

Internet.ge