„ახალი მემარჯვენეების“ ლიდერი დავით გამყრელიძე ამბროლაურის რაიონის სოფელ ნიკორწმინდაში 87 წლის მერი გურგენიძეს ოჯახში ეწვია.

პარტიის პრეს-სამსახურის ინფორმაციით, ქალბატონი ფაქტიურად მარტოხელაა, რადგან  მეუღლე და შვილი დაეღუპნენ, ერთადერთი ქალიშვილი კი ცალკე ცხოვრობს.

გამყრელიძის განცხადებით, ქალბატონი სოციალურ დახმარებას არ იღებს.

„მიზეზი გაუგებარია. ქალბატონს არც ძროხა ჰყავს, არც სხვა შინაური პირუტყვი ან ფრინველი, ფუფუნების საგნებზე ზედმეტია ლაპარაკი, მაგრამ სოციალური დახმარების მიმღებთა სიაში ვერ ხვდება. გაუგებარია, რატომ ხდება ასეთი უსამართლობა, რაც დაბალშემოსავლიან და ძირითადად ხელმოკლე ოჯახებით დასახლებულ  რაჭაში იშვიათი ნამდვილად არ არის. ჩვენ სხვა უამრავ ასეთ ფაქტსაც ვაწყდებით და სოციალური დახმარების სააგენტოს ყურადღება სწორედ ამაზე გვინდა გავამახვილოთ,“- განაცხადა დავით გამყრელიძემ.

Internet.ge