ვლადიმერ პუტინის რეიტინგი დაეცა და მის 12 წლის წინანდელ რეიტინგს გაუტოლდა - ასეთია სოციოლოგიური სამსახურის „ლავადა-ცენტრის“ კვლევის შედეგები.

ცენტრის დირექტორის ლევ გუდკოვის განცხადებით, პუტინს ფაქტობრივად, „ნულოვანი შედეგები“ აქვს ისეთ კატეგორიაში, როგორიცაა ინტელიგენტურობა. ინტელიგენტად მას გამოკითხულთა 18% მიიჩნევს.  გარდა ამისა, მას „საქმიანად“ თვლის მოსახლეობის 39%. განათლებულად კი მხოლოდ 28%.

პუტინი კარგავს მთავარსაც - მიმზიდველობას. მისი იმიჯი, როგორც „ძლიერი და მამაკაცური“ ხელმძრვანელისა, შეიძლება ითქვას, რომ აღარ არსებობს, რადგან ასეთად პუტინს გამოკითხულთა მხოლოდ 18% მიიჩნევს.

ყველა თვისების დევალვაცია ჯერ კიდევ არ ნიშნავს, რომ საზოგადოება აღარ არის პუტინით მოხიბლული, თუმცა „ლავადა-ცენტრის“ დირექტორი დარწმუნებულია, რომ ძლიერი, ყოვლისშემძლე მმართველის იმიჯი ნელ-ნელა ქრება. გარდა ამისა, პუტინი აღარ აღიქმება უალტერნატივოდ. მართალია, ახალი ლიდერი ჯერ არ ჩანს, მაგრამ „ძველი უკვე სრულიად მომზაბეზრებელია“ - ამბობს გუდკოვი.

Internet.ge