ნატოს გენერალურმა მდივანმა ანდერს ფოგ რასმუსენმა, თავის ოფიციალურ გვერდზე Facebook-ში, ალიანსის ჩიკაგოს სამიტის კონტექსტში, საქართველოს შესახებ ინფორმაცია განათავსა.

როგორც რასმუსენი წერს, „საქართველოსა და ნატოს განსაკუთრებული პარტნიორული და მჭიდრო ურთიერთობები აქვთ. ეს გამოიხატა იმაშიც, რომ საქართველო მონაწილეობდა სამიტის ფორმატით გამართულ სამივე შეხვედრაში“. 

გენერალური მდივანი აცხადებს, რომ ნატო აფასებს კავკასიაში კონფლიქტების მშვიდობიანი გზით გადაწყვეტის იდეის მიმართ საქართველოს ერთგულებას და რუსეთთან ნდობის გაძლიერების ძალისხმევას.

„ბუქარესტის სამიტზე ნატომ განაცხადა, რომ საქართველო გახდება ალიანსის წევრი. დღეს ეს გადაწყვეტილება კიდევ ერთხელ გაჟღერდა. კიდევ აუცილებელია გარკვეული სამუშაოს გატარება, რამდენადაც გზა ნატოსკენ მარტივი არ არის. თუმცაღა, საქართველო ერთგული რჩება და პროგრესს განაგრძობს. ჩვენ მხარს ვუჭერთ საქართველოს და მის მიერ აღებულ კურსს,“ - წერს რასმუსენი.

internet.ge