დავით გარეჯის საკითხი იმ რელიგიურმა ჯგუფებმა წამოწიეს, რომლებიც რეგიონში ვითარების დაძაბვას ცდილობენ. ამის შესახებ, აზერბაიჯანის პრეზიდენტის ადმინისტრაციის საზოგადოებრივ-პოლიტიკური საკითხების განყოფილების ხელმძღვანელმა ალი გასანოვმა განაცხადა.

ჰასანოვის თქმით, სადაო საკითხი მხარეებმა ორმხრივი შეხვედრისას, მოლაპარაკების პროცესში უნდა დაარეგულირონ. ილჰამ ალიევის ადმინისტრაციის წარმომადგენელი ამტკიცებს, რომ საბჭოთა კავშირისა და რესპუბლიკების დამოუკიდებლობის გამოცხადების  დაშლის შემდეგ შექმნილი იყო სპეციალური კომისია, რომელიც სადაო ტერიტორიების საკითხს სწავლობდა. დელიმიტაციის შედეგების საფუძველზე კი გადაწყდა, რომ დავით გარეჯის სამონასტრო კომპლექსის ნაწილი აზერბაიჯანის ტერიტორიაზეა. თავის მხრივ, აზერბაიჯანული მხარე იღებს ვალდებულებას, დაიცვას ეს ტერიტორია“ - წერს „კავკაზ ონლაინი“.

„როგორც აზრებაიჯანში, ისე საქართველოში არიან ძალები, რომლებიც ისწრაფვიან ორ სახელმწიფოს შორის ურთიერთობა გააფუჭონ“ - განაცხადა ჰასანოვმა, რომელიც აღნიშნავს, რომ რეალური პრობლემა თბილისსა და ბაქოს შორის არ არსებობს. ხოლო რაც შეეხება მცირე აზრთა სხვადასხვაობას, ორი ქვეყნის საგარეო საქმეთა სამინისტროები ყველაფერს დაარეგულირებენ.

internet.ge