საქართველოს პრეზიდენტმა მიხეილ სააკაშვილმა, ქუთაისში, ახალ პარლამენტში სიტყვით გამოსვლისას, ყურადღება „ვარდების რევოლუციაზეც“ გაამახვილა.

პრეზიდენტის თქმით,  რევოლუციის ერთ-ერთი მიზანი იყო ის, რომ საქართველოს პერიფერიებად დაყოფა დასრულებულიყო, ასევე, ის, რომ არ ყოფილიყო დაყოფა პირველხარისხოვან და მეორეხარისხოვან უბნებად.

ქვეყნის პირველი პირის განცხადებით, შემთხვევითი არ იყო ის ფაქტი, რომ რევოლუცია რეგიონებიდან დაიწყო.

„აღმშენებლობა არ შემოგვიფარგლავს მხოლოდ თბილისის ცენტრით, მაგრამ თბილისი შენდება ისე, როგორც არასდროს საქართველოს ისტორიაში და მე ამით ძალიან ვამაყობ. თბილისი ვერ იქნება „თავკომბალა“. ჩვენ აღმშენებლობა მხოლოდ თბილისით არ შემოგვიფარგლავს და ამას რეგიონებშიც ვაგრძელებთ. სწორედ ამის შედეგია ქუთაისი“,- განაცხადა სააკაშვილმა.

internet.ge