‘’კოალიცია ‘’ქართული ოცნების“ ლიდერს დღეს მოუწევს დაარწმუნოს თავისუფლების  მოედანზე შეკრებილი მოსახლეობა, რომ არის ასეთი პარტია, ვინც ხელისუფლებაში რეალურად მოსვლას გეგმავს“,- ასე აფასებს პოლიტოლოგი სოსო ცინცაძე ბიძინა ივანიშვილის მიერ დღეს დაგეგმილი აქციის მიზანს.

როგორც „ინტერნეტ.ჯი“-ს ექპერტმა განუცხდა, ივანიშვილმა აქციაზე შეკრებილი ხალხის რაოდენობა არჩევნებში ხმების რაოდენობად არ უნდა ჩათვალოს

„აქცია გამოცხადებულია, როგორც წინასაარჩევნო ეტაპი, ამიტომ დღეს დაგეგმილ ღონისძიებას უდიდესი მნიშვნელობა აქვს პირადად ივანიშვილის პოლიტიკური კარიერისთვის, მაგრამ მან თავისუფლებაზე მისული ხალხის რაოდენობა არჩევნებში მისაღებ ხმებად არ უნდა ჩათვალოს, იმიტომ რომ დღეს ბევრი ინტერესის გამოც მივა. ხალხს აინტერესებს, როგორია ფინანსურად წელში გამართული მიტინგი“, - განაცხადა ცინცაძემ.

მისივე შეფასებით, დღეს ივანიშვილმა არამარტო ამომრჩეველს, უცხოელ თანამეგობრობასაც უნდა მოაწონოს თავი.

„ეს უნდა იყოს დემონსტრირება იმისა, რომ ხელისუფლების მოსვლის შემდეგ ივანიშვილი ჩრდილოატლანტიკურ სივრცეში გაწევრიანების კურსს გააგრძელებს და ღირსეულად ჩაანაცვლებს არსებულ ხელისუფლებას, რომელსაც უცხოეთში არც თუ ისე ცოტა მეგობარი ჰყავს“,- განუცხადა „ინტერნეტ.ჯი“-ს პოლიტოლოგმა.

internet.ge