საქართველოს პრეზიდენტი ლატვიაში ორდღიანი ოფიციალური ვიზიტით იმყოფება. ქვეყნის პირველი პირი რიგაში დღეს, ლატვიის  ოფიციალურ პირებთან გამართავს შეხვედრებს და დაგეგმილ ღონისძიებებში მიიღებს მონაწილეობას.

პრეზიდენტი უკვე შეხვდა ლატვიის პრეზიდენტს. ასევე, ქვეყნის პირველმა პირმა შეხვედრები ლატვიის სეიმში გამართა.

მიხეილ სააკაშვილი სეიმის თავმჯდომარეს სოლვიტა აბოლტინას შეხვდა. დღის ბოლოს პრეზიდენტმა საქართველოს დამოუკიდებლობის დღისადმი მიძღვნილ ღონისძიებაში მიიღო მონაწილეობა და დამსწრე საზოგადოებას ლატვიურ ენაზეც მიმართა.

მიხეილ სააკაშვილი ფორბსისა და საქართველოს საინვესტიციო სააგენტოს მიერ ორგანიზებულ ღონისძიებასაც დაესწრო, რომელზეც ქართველი და უცხოელი ბიზნესმენები და ინვესტორები იყვნენ შეკრებილი. სტუმრების დაინტერესება, ძირითადად, საქართველოში განხორციელებულმა წარმატებულმა ეკონომიკურმა რეფორმებმა გამოიწვია.

Internet.ge